बसर अल असदको शासनलाई ध्वस्त पार्न मद्दत गर्ने विद्रोही नेतालाई सिरियाको अन्तरिम प्रधानमन्त्री नियुक्त गरिएको छ ।
स्थानीय सञ्चारमाध्यमका अनुसार सरकारी टेलिभजनमार्फत मोहम्मद अल बसिरले घोषणा गरे कि उनी संक्रमण सरकारको नेतृत्व गर्न मार्च १ सम्म पदमा रहनेछन्।
बिद्रोहीले यसअघि नियन्त्रणमा लिएको इडलिब प्रान्तको नेतृत्व गर्दै आएका अल बशीरले सार्वजनिक सेवाहरू पुनः सुचारु गर्न सुनिश्चित गर्न एउटा सानो मन्त्रिपरिषद्को नेतृत्व गर्ने तयारी गरेका छन्।
देशका केही उच्च सरकारी अधिकृत र निकायले निजामती कर्मचारी र स्वास्थ्यकर्मीलाई काममा फर्कन आग्रह गरेको केही समय पछि उनी अन्तरिम प्रधानमन्त्री नियुक्त भएका हुन ।