सन् १९६७ मा पहिचान गरिएको ‘ब्लिडिङ आई’ भाइरसले पुनः विश्वव्यापी चिन्ता बढाएको छ। मारबर्ग, एमपक्स र ओरोपाउच जस्ता भाइरस कम्तीमा १७ देशहरूमा फैलिएकोले स्वास्थ्य सङ्कट गहिरिँदै गएको छ। नयाँ भाइरसको तीव्र प्रसारलाई रोक्न यात्रुहरूलाई विशेष सावधानी अपनाउन आग्रह गरिएको छ।
मारबर्ग भाइरस, जसलाई 'ब्लिडिङ आई' भाइरस पनि भनिन्छ, आँखा रगत बग्ने लक्षणका कारण चिनिएको हो। रवान्डामा यो भाइरसका कारण १५ जनाको मृत्यु भइसकेको छ भने सयौँ संक्रमित भएका छन्।
विश्व स्वास्थ्य संगठन (डब्लुएचओ) का अनुसार यो रोग गम्भीर प्रकृतिको छ र प्रायः मानवीय मृत्युसम्म पुर्याउन सक्ने खालको छ।
सार्वजनिक स्वास्थ्यलाई ध्यानमा राख्दै, प्रभावित क्षेत्रमा यात्रा गर्दा उच्च सतर्कता अपनाउन सुझाव दिइएको छ।