दाङको घोराही उपमहानगरपालिका–३ स्थित बर्गदुवाका कमल बुढाथोकीको भान्छा कोठामा शुक्रबार बिहान विषालु गोमन सर्प देखिएपछि परिवार ज्यान जोगाउन भागाभाग गर्नुपरेको छ। आहाराको खोजीमा मुसा, कुखुराका अण्डा र चल्ला भएको स्थानमा पस्ने गोमन सर्पले घरमै त्रास फैलाएको छ।
स्थानीयले सर्पलाई सावधानीपूर्वक समातेर डिभिजन वन कार्यालय, घोराहीमा बुझाएका छन्। विषालु सर्पको उपस्थितिले जोखिम बढाउने भएकाले घर वरिपरि सफाइमा ध्यान दिन र सतर्क रहन आग्रह गरिएको छ l