हङकङमा आफूले पढाउने कक्षाका छात्राको गोप्य अंगको भिडिओ खिचेको आरोपमा पक्राउ परेका एक शिक्षकलाई अदालतले ६ महिनाको जेल सजाय सुनाएको छ।
चान यु नाम गरेका २६ वर्षीय शिक्षकमाथि छात्राहरूको गोप्य अंगको गैरकानुनी रेकर्डिङ वा अवलोकनको ५ वटा मुद्दा परेको थियो। सोही मुद्दाको सुनुवाइको क्रममा मंगलबार चुनमुन अदालतले उनलाई दोषी ठहर गर्दै ६ महिनाको जेल सजाय सुनाएको हो।
प्रतिवादी पक्षका वकिलले दोषी ठहरिएदेखि नै जेल परेका चानले आफ्नो अपराधको महसुस गरेको र सुध्रिन चाहेको बताउँदै सजाय घटाउन मागे गरेका थिए।
तर, दोषीले भविष्यमा पुनः अपराध गर्ने सम्भावना ‘तुलनात्मक रूपमा उच्च’ रहेको निष्कर्ष निकाल्दै कार्यवाहक प्रमुख मजिस्ट्रेड डेनियल ताङले उनीहरूको प्रस्ताव अस्वीकार गरे।