पूर्वी नवलपरासीको विनय त्रिवेणी गाउँपालिका–१ मा असोजको अन्तिम सातातिर बाघले बाख्रापाठा खाएर हैरान पार्यो। बाख्रापाठा त खायो नै, अभरमा पारेर मान्छे नै मार्ला की ? भनेर स्थानीयवासी त्राहिमाम भए।
नभन्दै २ कात्तिकका दिन तीनचुली मध्यवर्ती सामुदायिक वनमा वडा नं. १ कै लक्ष्मीटाँडीका ६३ वर्षीय जीवबहादुर थिङ बाघको आक्रमणमा मारिए। घाँस काट्न जाँदा बाघले जीवबहादुरलाई मारेको भनियो। जीवबहादुरको मत्यु भएपछि उनको परिवारले निकुञ्जसँग १० लाख क्षतिपूर्ति पनि माग्यो।